SALT LAKE CITY (AP) — Nangailangan lang ang Golden State Warriors ng kulang 9 minutes para magpundar ng 24-point lead laban sa kulang sa taong Utah Jazz Huwebes ng gabi.
Umiskor si Stephen Curry ng 26 points at kinontrol ng Warriors ang Jazz mula umpisa hanggang dulo sa 106-99 panalo.
May 14 points si Curry sa 29-1 run tungo sa iskor na 29-5. Tumikim lang ng lead ang Jazz sa 4-2.
“Loss of focus,” sagot ni Warriors coach Steve Kerr nang matanong hinggil sa inilaro nila sa second half. “Our first quarter was great, we pushed the ball and our defensive intensity was fantastic. I think we let down. We started turning it over some careless, purposeless plays.”
Nagdagdag si Kevin Durant ng 21 points at 11 rebounds sa Golden State.
Nagsumite si Jazz center Rudy Gobert ng 20 points at 17 rebounds, umiskor si Joe Ingles ng career-high 21, at may season-high 19 si Shelvin Mack.
Injured ang apat na starters ng Utah — sina Gordon Hayward (finger), Rodney Hood (hamstring), George Hill (toe) at Derrick Favors (knee).