TEEN actor, sinasaktan ng mudra niya!

Bata pa siya nang mag-start sa showbiz. Ngayong teen­ager na siya at nagkakapa­ngalan na ay knows na ­siya ng mga nagti­tiliang millennials.

Kasabay nang ­paglaki ng kanyang pangalan ay ganu’n din ang ­paglaki ng kamao ng kanyang mudrabel.

Sobra ang takot ni jugets sa madir niya. Konting pagkakamali niya, binabatukan siya agad.

Sa isang rehearsal kasama ang ilang kaibigang nyortista at ang girl na crush niya, big­lang dumating si mama at tumili nang pagkataas-taas.

Birit Queen ang peg kaya nabulabog ang ­lahat.

Enter si monster mom at ang kuda, “Magre-­rehearsal ba kayo o maglalaro lang?! At bakit nandito ang malan­ding ‘yan?!” sabay ­turo sa girl.

Biglang ­dinagukan ni mommy ang anak at pinaghahampas. ­Hiyang-hiya si teen actor at umalis na lang kasama ang mudrang gigil na gigil sa galit.

Simula noon, palihim na lang ­nagkikita ang magbabarkada at inililigaw ang kanyang inang may sapi.

Hanggang kina­usap ng management ang parents ni teen ­actor, lalo na ang nanay nito, na kung may mababalitaang sinasaktan at ipinapahiya ang anak ay ipapa­pulis siya.