Pinagbabaril ng hindi pa nakikilalang riding-in-tandem si dating Dumingag, Zamboanga del Sur Vice Mayor Nacianceno Pacalioga sa Bacolod, Lanao del Norte Miyerkoles nang umaga.
Naganap ang pamamaril kay Pacalioga, alas-8:20 nang umaga. Patungo sa Cagayan De Oro ang biktima lulan ng kanyang sasakyan nang huminto sa lugar para umihi, dito na umano dumating ang mga suspek at pinaputukan ang dating opisyal.
Agad na tumakas ang mga suspek habang naisugod naman sa pagamutan ang biktima.
Iniimbestigahan pa ng pulisya ang motibo sa pamamaril. (Edwin Balasa)